is baar tuj se milnay ki - poetry, decent poet, english, urdu poetry, shairi, urdu shairi, sms poetry, sad, emotional peotry, Allama Iqbal, love peotry,

Is Baar Dil Ne Tujh Say Na Milnay Ki Thani Hay
Per Main Nay Kub Kisi Ki Koi Baat Maani Hay


Ik Subha Tere Sath Nikalna Hay Raat Say
Ik Shaam Tere Sath Kisi Din Manani Hay


Ik Bhaid Kholna Hay Mujhy Tere Ro-Ba-RoO
Ik Baat Hay Jo MaiN Nay Tujhi ko Batani Hay


Mujh Ko Bhi Taaray Torr Lanay Ka Hay JunOo'n
Main Nay Bhi Aasmaan Ki Buhat Khaak Chaani Hay


Us K Liye Bhi Shaher Basanaa Hay Ik Mujhy
Apnay Liye Bhi Ik Nai Duniya Banani HaY


Jo Kuch Main Likh Raha Hun, Woh RoDaad Hay Meri
Tum Perh Sako Tou Phir Ye Tumhari Kahani Hay


Kahta Hay Koi Aa, Issay Phir Say Likhain Saleem
Woh Daastaan-e-IshQ Buhat Hi Purani Hay